令人失望的新姨姨

現實再一次令我想做 Full Time Mom.....

米米的新姨姨上工了, 第一天可以用錯漏百出來形容.......

1.) 換片生手, 明明佢自稱之前照顧一個1歲的, 冇理由已經戒片啩?!?!

2.) 未用過Avent奶樽, 蒸機, 覺得難用, 我問佢之前的家庭用什麼方法消毒, 佢竟然話用熱水烚, 仲話1歲之後不用烚.......

3.) 開錯奶, 明明叫佢開6安, 沖完有8安咁多, 好彩我望到. 問佢點解, 佢話睇錯咗. 結果我自己飲咗8安Illuma, 要再開過6安....... 又唔識開個奶粉罐, 我示範完都開唔到, 真係要捉住佢隻手做一次........

4.) 沖涼話未用過大浴盆, 明明我個minimoto係普通size, 又話未用過浴網....

佢唯一做到的是抱米米瞓覺.

唉, 佢自稱第一日緊張, 有人睇住手忙腳亂..... 好, 我就俾多幾日時間你, 唔得真係冇得留低!!!