5餐轉4餐

真係唔明點解米米可以越食越少??!!!!

由於米米食奶好曳, 經常要和她搏鬥個多鐘才食完5-6安, 加上近日不時出現厭奶表現(2個鐘先食3安.....), 我和她爸爸商量後和她試試新的 Feeding Schedule,看看情況會否改善.

15/11的星期六, 我們第一天試行. 之前米米第一餐是早上7:00左右的, 但我們等米米自然醒才餵. 結果她睡到8點左右, 之後餵6了安, 吃了個半鐘, 算ok.

之後玩了一輪, 11:00左右眼瞓, 下午1:00前醒, 之後又食6安, 1小時15分鐘, 有進步!

傍晚一餐雖然外出去探公公婆婆, 但都完成到6安, 在街食來說很ok.

晚上11:00最後一餐, 我們嘗試給米米多吃一些, 以補充減餐的份量, 但米米冇反應, 都係食6安就唔食.....

第二天的情況和星期六差不多, 在午間一餐我們給米米試了些米糊, 米米可以吞到, 但興趣不大.

總結, 米米真係唔識餓, 4小時定5小時一餐佢唔care的, 總量就由不厭奶時的每日25-30安減至每日24安. 雖然話BB會自己調節食量, 肚餓會喊食, 但做媽媽的難免擔心, 明明人仔大了, 為什麼反而會吃少呢?!!

Mr 193反而著眼米米對食的興趣, 他希望米米不會因為食奶而心情不佳, 事實上隻豬仔在不用食奶的時候的確係好好玩的, 但在食奶不耐煩時就又叫又扭......

我們會在下次打針時(12月初)才有機會和米米磅重, 希望到時不要太令人擔心啦~~~~