12/8, 米米第一天上課, 雖然只是一個鐘兼媽媽可以陪, 不過我都好緊張, 怕米米唔適應幼稚園setting...... 幸好米米比較鎮定, 就算其他小朋友喊佢都冇事, 媽媽真係要俾個叻佢!
米米間幼稚園的安排都唔錯, 適應期循序漸進, 小朋友可以慢慢習慣, 老師也brief 得家長好清楚, 令家長可以配合學校.
返學頭半個月, 米米都冇點喊過, 有接放學的媽媽話米米見到褓母姨姨會咋嬌喊兩聲, 一出課室門口已ok.
而因為返學的原故, 我們把米米的schedule更改了, 主要是早些起身和早些瞓晏覺. 事實上, 我們都一直希望米米可以早睡早起. 現在她是7:30起床, 12:00 午飯, 1:30 午睡, 5:45 晚飯, 9:30 夜奶+瞓覺. 我的目標是她慢慢改到晚上9:00瞓. 不過代價就是我少咗親子時間囉!
加油, 米米, 媽媽不𧘻求你做第一, 只要上學開心, 可以應付到考試, 將來不會因為學歷而限制了發展就足夠. 說到底, 我們現在給你的準備, 是希望你長大後可以有條件選擇自己喜歡的生活. 不會因地域, 語言, 和知識所局限. 世界很大, 香港很細. 願您未來一直開心成長, 找到自己的目標, 人生不該只有供樓和返工, 該有更有意義和有趣的事情值得我們去追求呢!
沒有留言:
張貼留言