時日如飛，我家小米米兩歲了！
 |
| 媽媽，個cake 好似好好味喎！ |
由最初一舊粉團到現在會說話，會思考，會行，會撒嬌，真是十分奇妙的過程。雖然爸爸媽媽有時會覺得很累，但看見米米快樂成長，我們就覺得一切都值得！
米米家今個月安排了生日大旅行，去台北4日3夜，慶祝Mrs 193和米米的生日。也趁米米仍然是付嬰兒機票的時候走多一轉，兩歲後機票貴啲啊！
有如之前的新加坡之旅，我們的行程編排都是以米米的喜好為主：
Day 1
HK - Taipei - Bencotto @ Mandarin Oriental Taipei
我們坐11:10的長榮航班，輕鬆出發。第一次坐長榮感覺良好，食物和坐位都此港龍優勝，可encore。米米也第一次正式食飛機餐，有香草豬扒飯，小姐都捧場呢！
 |
| Hello台灣，here we go~~~ |
航班一點前到達台北，我們訂了Klook的機場接送，HK$200左右由機場直接到酒店，省時方便。
我們今次入住台北有園酒店，酒店位於中山區，地點唔算旺，主要招待商務客。不過有園酒店有一大買點，就係高級的嬰兒設備。有Stokke BB床，Philips Steamer, 仲有浴盆。。。 好適合有小朋友的家庭。Check in 之後，我立即和米米沖涼，給她瞓晏覺，要charge電今晚去食好東西！
 |
| 有園的房間都算大，Stokke床仔是亮點！ |
由於Day 1是Mrs 193的生日正日，我們安排了去台北Mandarin Oriental食意大利餐。這間Bencotto是Mrs 193睇blog發現的，地方靚，招呼好(招待幼兒)，但價錢又不是天價，4 course Set Dinner TWD1,800 + 10%，我認為平過係香港同等級的餐廳。Bencotto亦冇令我失望，食物雖未至於驚喜，但有心機，環境和服務皆是6星酒店的水平。酒店的戶外環境都好靚，我們和米米都影了些靚相！
 |
| 和媽媽在Mandarin 自戀Selfie一番 |
Day 2
台北市立動物園－熊貓館餐廳－太平洋Sogo鼎泰豐
第二朝在酒店食過早餐，我們就出發去米米最愛的動物園。之前去新加坡已經知道米米的喜好，所以我們一入園就去搵長頸鹿，獅子，大象。。。台北動物園設施都OK，有少少舊，不過有翻新，也Baby-friendly，而且入場費平，好抵玩！午飯我們去了台灣blogger推介，在熊貓館2樓的餐廳。餐廳環境舒服，食物都OK，唯一係出菜慢，等好耐先有得食。。。
 |
| 等好耐都冇嘢食，唯有玩一陣Sticker Book! |
去完動物園又熱又累，當然要返酒店charge電，回到酒店之後下雨，所以我們晚飯就簡單一點，去Sogo食鼎泰豐，貪佢地方企理，又有啱米米的食物，米米結果食了燉雞湯麵，小籠飽和青菜。
Day 3
兒童新樂園－Olivia親子餐廳－天文教育館－海壽司
米米屋企有本＜小雞逛遊樂園＞，所以Mrs 193一早起床就和她講今日好似小雞去遊樂園呀！我們原先以為米米會好興奮，點知米米比我們預期細膽，去玩Merry-Go-Round，摩天輪，小火車全部樹熊上身。天氣熱，我們玩完米米可以玩的遊戲，就轉戰室內Play Room。米米去到Play Room反而比較自在，會自己玩，看來米米都是比較怕陌生環境的小朋友。午餐我們在園內的親子餐廳解決，不過這間餐廳認真麻麻，不推薦。
 |
| 在室內遊樂場冇咁熱，米米玩得好開心 |
午飯後，我們轉移陣地，去附近的天文教育館。米米是一個很有趣的小朋友，喜歡我們和她看有關太空的書，自從會說話之後就成日木星，土星，地球，太陽。。。一去到天文館，米米真係兩眼發光，立即要求落車自己行(我們有用BB車)，之後不停在場館內走來走去，睇火箭，扮太空人，好開心。最後仲係場館用見最後一格電，瞓著咗。
 |
| 米米話：降落木星！ |
 |
| 米米話：火箭，Rockets~ |
是日晚餐在酒店旁的海壽司食日本料理，有蒸旦同蒸野菜，米米都有份食。
Day 4
大樹站親子餐廳－Taipei －Hong Kong
最後一天行程我們訂了去大樹站親子餐廳，這家餐廳很受歡迎，一定要預先訂坐。當日所見，有好多本地人都會帶小朋友去幫趁，水準應該有一定保證。
餐廳有不同的遊戲區，有沙池，有波波池，有煮飯仔，仲有米米為之著迷的水池。米米爸爸一向覺得波波池污糟，雖然Mrs 193已經解釋此餐廳有洗球機和三個月換一次新波。不過Mr 193都係唔放心。好彩，水池上都有好多波波，米米都玩得好開心，她一直在水池玩，完全冇轉過Zone呢！
 |
| 玩唔厭的水池，撈魚撈八爪魚撈波波。。。無限Loop中～ |
食物方面，這間餐廳是中上的，不過由於我們這4天都有吃差不多類型的東西，所以都冇大印象。
回程的航班我們在機上餵了米米early dinner，有免治雞肉丸飯，而大人就因為要餵她而冇食。我和Mr 193就一返屋企就極速和米米沖涼，換床單，餓到8:45先食，仲要一坐低開餐米米就話要疴PooPoo。。。哈哈，果然係完美的句號呢！
