米米一歲了 (1.5.2015 - 30.5.2015)

不經不覺，米米一歲啦！不再是媽媽懷中的小baby，而是一個蹦蹦跳跳的小朋友。

由一粒米變兩包米(咁重)

 

 

說真的，我這個新手媽媽仍有很多不足，不過比起之前的手足無措，現在也可以自己一手一腳照顧米米，我覺得自己已經進步很多了！哈哈!

今個月，由於是193 cm Family的慶祝月(我們三人的生日，wedding anniversary全在五月)，我們和米米多了外出，米米也參加了人生中的第一個生日party。不知道是否太勞累，定是人多容易惹細菌，米米在生日兩日前發燒了。嚇壞了我和Mr 193，急急帶米米看醫生，不想她病病的過生日呢！好彩米米只是一般的URTI，食藥之後就退燒了！而去看醫生也有一個好處，就是可以正經磅重度高。結果爸爸媽媽都滿意：身高約75percentile, 體重約90percentile。

米米今個月也開始人其他大個女的表現。例如：
－　開始不喜歡大人抱住瞓，要自己在床仔碌到瞓
－　識手指指想要的東西，再eeerrerr要求大人攞給她
－　抱或坐得會耐想落地爬/行

食玩瞓方面，仍然三奶兩固，Mrs 193有些懶，不知道她早餐可以食什麼，所以暫時維持食奶奶先。

米米的一歲生日有兩個生日Party。一個是和530 BB一齊開，另一個是我們和親友開的。我另外再開一編講吧！

我的第一個母親節

我的第一個母親節，其實一個字講完：忙！

一早起身餵奶，煲中午餐粥，清潔玩具Playmat，然後和嫲嫲一邊飲茶一邊餵粥，之後上Baby Gym，上完堂在Gym食埋下午茶支奶，回家嗱嗱聲煲夜晚餐粥，幫小姐沖涼扮靚靚，又再一次出發，和婆婆一邊食晚飯一邊餵粥。

雖然我平日星期日都差不多咁忙，不過通常每日只會出一次街，either上午or下午，咁個schedule 就冇咁趕。另外，唔知好嬲定好笑，今次Baby Gym的主題是Role Model。好多動作要父母示範給BB看。要玩單槓，又要打筋斗。Instructor都話Mother's Day，叫爸爸們做多Ｄ。點知Mr 193今次放低我和米米先去泊車，仲要泊咗大半堂。我真係覺得勁揾笨～～～

而最冇癮的是米米爸爸零表示，我到夜晚都忍不住問佢。。。點知佢答米米咁細，係冇㗎啦！完全冇諗過要答謝第一年做媽媽的老婆，連咭都冇張。。。唉。。。

不過，自己做了媽媽，真的體會了做媽媽的辛勞。所以我都不介意辛苦一點走兩場，只要兩位媽媽都開心就好！至於米米爸爸，算吧，他其實已有盡力幫輕我，係唔識氹老婆囉～～～