 |
| Happy New Year Everybody! |
8個月大最大的突破就係出牙仔啦! 這個baby在出牙之前超級扭計, 一晚醒5-6次, 我和Mr 193都冇覺好瞓. 希望米米下次會easy一些, 不用爸爸媽媽咁辛苦喇!
言歸正傳, 回顧下米米的成長紀錄先~~~~
食: 月初是4奶一固, 月中已經開始3奶2固. 最初中午食粥, 晚飯食米糊. 隨著屋企的米糊食完, 米米在24/1開初了兩餐粥, Mrs 193要開始預備多些食材給米米了.....
至於奶量, 早晚7安, 下午茶4安
米米試過的有:-
蔬菜: 節瓜, 菠菜, 蕃薯, 菜心, 合掌瓜, 甘荀, 南瓜
肉類: 瘦肉, 鯇魚, 雞肉, 石斑, 細磷(魚), 大眼雞
水果: 蘋果, 皇帝蕉, 橙, 啤梨, 士多啤梨.
其他: 蛋黃, 豆腐
米米在食固方面暫時表現良好, 很多種類都願意嘗試, 她對酸味和粒粒的質感比較敏感 (隻豬仔第一次試士多啤梨唔肯食)不過為了她將來可以有好的飲食習慣, 我們會繼續給她多試不同味道, 質感的食物.
玩: 今個月坐得好穩了, 再加伸左右手去攞玩具. 有爬的意欲, 但欠缺技巧, 不懂撐起自己個肚dum向前, 爬唔到去目的地會喊, 要人救. 愛上玩繩, 玩label, 玩鈕, 玩拉鍊頭. 最愛物件是電視遙控, 見到會立即飛身去搶. 米米有些530 buddies 已經可以自己扶住床仔企了, 她發展冇咁快, 但都可以扶住物件企一陣,
 |
| 有圖有真相, 媽媽冇扶住我㗎! |
瞓: 吽牙其間非常煩氣, 睡不好. 明明抱住瞓著了, 一放床就醒. 我和Mr 193都疲於奔命. 日間的覺也不穩, 45分鐘左右就會喊, 要大人抱先可以瞓埋下半場....另外,米米似乎特別鍾意在我沖涼時扭計, 就算之前已經喑好瞓, 她總會揀我沖涼時扎醒爆喊, 要等我出來抱先收聲, 真係冇佢符!
 |
| 吽牙恩物-- 長頸鹿牙膠. 駛唔駛咁肉緊呀女? |
認人: 疑似認得爸爸媽媽, 問米米"媽媽呢?", 佢會望向我, 問"爸爸呢?"就望向Mr 193. 不過也可能是靠撞, 哈哈! 平日在在家最愛媽媽抱, 出街就無所謂, 爸爸, 甚至生保人抱暫時都可以, 好一個去街精!!
 |
| 婆婆同我曬太陽, 小朋友做咩咁迷茫呢? |
另一方面, 由於天氣乾燥, 米米今個月濕疹起多了, 有一次仲R損耳仔, Mrs 193好肉赤啊! 希望之後天氣好些, 米米的濕疹問題可以改善啦!
下個月是米米的第一個農曆新年, 期待米米第一次逗利是啊!
沒有留言:
張貼留言