米米的食糧 - Illuma

Mrs 193 很冇用, 米米出世不久就放棄了餵人奶, 現在回想也有些後悔.   不過, 如果我一直堅持餵人奶, 我的情緒又可能會影響和家人的關係......無論如何, 米米是個奶粉B已成定局, 所以我也從留意母乳餵哺到奶粉資訊.

米米是食Illuma的, 她從醫院補粉開始已經是食Illuma, 3個月來未轉過.  我起初是打算給米米食能恩的, 但後來有醫生朋友介紹食Illuma, 我們才改變初衷.  (其實仲有一個師奶仔原因: 因為St. Paul's 每日都要 charge standard的奶粉費, 我們覺得食貴價的Illuma抵啲), 出院後我們見米米食得OK, 就繼續給她食.

由於米米未轉過奶粉, 我不可以和其他brand比較. 不過我的自身經驗是好的.  米米便便ok, 初生時差不多餐餐都有便便, 長大些就每日1-2次, 最多試過2日冇便便,  便便比較水, 我的陪月說似人奶B, so far 我都覺得冇大問題.

長肉方面, 我去的婦產科診所姑娘說食Illuma的BB比較實淨, 這點我也認同.  米米抱起來比看起來重, 肉肉好實, 手腳和頸仔都好有力.

唯一我比較有意見的, 是米米的濕疹, 我不知道是奶粉的問題或是米米的抵抗力問題, 她在個多月左右頸仔有紅疹. 幸好在加強保濕後, 現在情況有改善.  (冇食人奶的B是容易有濕疹的.... 唉.....)

總括來說, 我們覺得米米和Illuma幾夾, 短期內應該不會轉. 不過Illuma真的好貴, 米米要一直食的話, 爸爸媽媽要努力啲工作賺錢呢!!