母親節2016

今年的母親節和去年一樣，都係好忙，因為我們一日招呼兩檔，日間和嫲嫲食Lunch Buffet，晚間和婆婆食晚飯。

其實日間米米的schedule都算ok,去公園玩一陣就食午飯，回家沖完涼仲可以Nap兩個鐘。不過，米米瞓醒後就好扭，成日要我抱，除了食晚飯坐定45分鐘外，就好扭，一陣要人抱，一陣又要落地，最可憐的是我們昨晚第一次去Popcorn食飯，唔熟路，Mr 193又要排隊泊車，我一個人抱住米米係商場行咗一大個圈，手都斷咁滯。。。

米米自己食完大人仲未食完，隻豬仔又扭落地，又話要痾臭臭，攪到Mr 193上晒火。。。婆婆見佢咁扭，就擔心佢係咪唔舒服。不過呢，小姐一食完餐飯，去和表姐玩就生猛晒，去到Strider Shop仲好開心扮車手～

由於玩得開心，小姐昨晚半夜3點加送扭計俾我做母親節禮物。。。 Oh... what a long day~~~

之不過，一見到隻豬仔開心笑的相，又會覺得點辛苦都值得，只要孩子健康快樂就可以了！心軟，永遠是媽媽最大的弱點，哈哈。。。

23個月(31.3.2016 - 30.4.2016)

一眨眼就到了一歲十一個月，小朋友大得快，媽媽開始懷念你似粉團ＢＢ的歲月啦！～～

米米今個月的主題係＂升Level＂！

Hello大家好，有掛住我嗎？

 升Level事件１：米米的小表妹出世，米米升Level做表姐了！Mrs 193在表妹出世前什講俾米米聽表妹的事，所以現在問米米邊個出咗世呀？米米會好Sweet咁講＂表妹＂。

媽媽好喜歡你的大眼睛～～

 

升Level事件2：由於要將床仔Pass俾表妹的關係，我們在四月初替米米換了一張可以自行上落的小童床。不過，換床的初期對我和Mr 193實在是惡夢。因為米米對新的床仔異常興𡚒，不斷上上落落，又用床仔駁腳四圍爬高。也由於她可以自己落床，她晚上會自己走去書架攞書睇。又試過半夜碌落床大喊！在換床的第一個星期，我和Mr 193都攰到癲咗。幸好情況近日已見好轉，希望大家都可以有覺好瞓啦。

我而家周圍爬都冇難度！

 

升Level事件3：米米Playgroup之前一直是上一歲班。今個月學校終於叫米米升班，下個月開始要去兩歲班做姐姐。米米一直都很喜歡Playgroup的老師，講真Mrs 193都有些怕她會不適應，不過老師話就係想她學習適應新環境，以準備8月上PN。

我鍾意扮老師打鼓鼓

 

23個月大的米米比之前更有主見，成日話＂自己＂，有時候講了又不想做，好似她會講＂自己瞓＂，但又要有人陪住她。我估計是Trouble Two的原因吧！也由於米米到了開始明白道理的年紀，我和Mr 193嘗試在她頂頑皮的時候Time Out她，令她明白用錯了事的後果。　

Potty Training方面，Mrs 193在月底的假期成功教到米米同大人講＂坷臭臭＂，雖然偶而她仍是坷完先講，但已經比以往呵完都唔講大有進步！


下個月就兩歲啦，Mrs 193希望米米會愈來愈乖巧可愛，最重要是
身體健康！

 

我愛公園系列



 

 

 

米米自創芭蕾舞