11個月(31.3.2015 - 30.4.2015)

又一個月，米米下個月就一歲了！BB真的大得很快。。。。。

食玩瞓大致和上月一樣，不過隻豬仔現在識得玩嘢，唔想食的時候會吐食物出嚟，Mrs 193見到都會鬧佢，不過米米通常以哈哈大笑回應。。。(汗)

活動能力方面進步比較明顯，自己可以扶住傢俬自由行，仲會嘗試唔扶東西企起身。也可能是去了Baby Gym的原故，米米非常大膽，前後左右打筋斗都ok，唯一是大人扶住行就好唔like，次次都喊，要自己爬去玩其他設施。

瞓覺方面比細個有進步（唔讚得），但由於隻豬仔時常自己玩得好High，我會在臨睡和她入房冷靜一陣，在床仔碌吓，之後10點先食奶。　扭眼瞓時好鍾意咬我，但她不會咬其他人。。。。　　可憐的Mrs 193是家暴受害者，心口同手臂都超多牙印，有時仲見血呢！！！

語言方面，在經過一輪爸爸爸之後，終於輪到媽媽媽啦！不過她明顯是識區分爸爸媽媽的。她想食嘢會叫她的米飯班主爸爸，眼瞓求救就叫媽媽，不會混淆的。另一個識的字就是餅，真係多得阿爺成日俾餅佢食。。。唉。。。

動作題方面，識得做Hello, Bye Bye, Hi Five, 拍手，開奶奶（兩隻手捽捽吓，好cute），飽飽（手拍拍肚仔)，點蟲蟲，Sorry(手放額頭，不過成日放錯耳仔邊，又係好cute）。

有一日和米米的姨媽講起考PN，米米姨媽話當年表姐返PN之前已經自行學識A-Z，考PN時已經識好多動物。大件事，我之前都冇點教米米認字，動物，物件。。。看來開始要好好和她認真學吓了～～～　



手指指代表有興趣

點解冇兒童餐㗎？有冇攪錯？ >v<

 

 

媽媽幫米米換季中。米米：半價好抵喎！（查實係表姐Ｄ舊衫)

 

米米的第一個復活節

一連五天的復活節假期轉眼就過去，Mrs 193雖然攰到剩返半條人命，但仍很回味和米米共渡的快樂時光。

3/4 (Fri)　到訪婆婆家
現在回想，大概這一日應該是整個假期最舒服的一日了。因為去婆婆家我連晚上的粥仔都不用煲，加上有公公婆婆，舅父舅母一村人幫我手，我和Mr 193食得舒服，米米又玩開心。

4/4 (Sat)　暢遊迪欣湖
我們一直都想米米多些戶外活動，和陽光玩遊戲，加上我們未去過迪欣湖，所以這個假期我們就決定走一轉！

迪欣湖果然是親子旅行的勝地，有大草地，有寬闊的行人/BB車路。米米在新環境表現ok，下午的粥仔和tea time的奶奶都乖乖食完。不過由於遊人太多，小朋友嬉戲的聲音又嘈，米米nap唔到，下午很累呢！

親親大自然

最開心的是我們在公園內找到＂底褲韆鞦＂，米米第一次打韆鞦，表現得很興奮！哈哈！

5/4 (Sun)　飲茶＠不倒翁＋My Kiddy Gym＋晚飯＠太平館
星期日是Family Day。我們早上先和爺爺嫲嫲飲茶，之後上 Gym Class。運動完回家 Nap + 沖涼。之後和公公去中環太平館食飯。雖然米米在晚飯期間勁攪事，又poo poo又扭眼瞓，但最終我們都可以食到人頭咁大的梳乎里，大家高高興興回家去！

瑞士雞翼，Yummy~~

6/4 (Mon)　Family retreat @ Hyatt Regency Shatin
今個假期的 highlight就是這個 little getaway啦～～　我們中午先出發去大埔小白鷺食Lunch，之後去Hyatt Check-in。隻豬仔唔知係咪開心得頭，食完下午奶都唔肯Nap。於是Mr 193就趁下午天氣暖和米米去游水水。

眉開眼笑的最佳演繹

米米的下水禮非常成功，她不怕水，仲伸手拍水。玩了十多分鐘，我見她有些疲態，就和她上水，在池邊Nap，給Mr 193游多一會。其實米米可以一直Nap多陣，但Mr 193堅持要幫米米換乾衫，攪醒了米米，Mrs 193不禁心中一陣XZY#*#*@@#~~~~~

由於唔夠瞓，米米的晚餐食得很差，枉Mrs 193一番心血焗字母粉，又在屋企烚定雞蛋　。。。。扭完一輪眼瞓終於可以俾媽媽食吓飯（好彩我哋食Buffet，可以慢慢食）。之後隻豬仔8pm左右醒咗，我就餵佢食香蕉當一餐。


7/4 (Tue)　三傻遊中大
早上的Buffet Breakfast後，我們去了酒店附近的中大校園散步，讓米米沾染一下學術氣息，我們在崇基書院行了一會，就和米米返房Nap，而我就準備米米的午餐。今次Mr 193學精了，給米米睡了個半鐘有多，可惜，米米就算瞓飽，都食得好曳。

米米可能是給我們平日縱慣了，對Mrs 193的白粥完全冇興趣（激死！！），加烚菜和蛋黃更加吐出來，十分可惡！

一連5天的假期就這樣完結了！到最後一日Mr 193已經攰到叫救命，話下一次長假要褓姆姨姨早一日返工，等自己可以休息一日先。。。。哈哈！

至於我，都同意日日和米米外出真的很累，但見到她開心又學到新事物，我都覺得值得。不過下次安排節目可能要平衡些，等我和Mr193１兩老可以回吓氣！