羊年進步

193cm Family 祝各位身體健康，心想事成。小朋友快高長大，聰明伶俐。 大朋友工作順利， 萬事如意！

Mrs 193的屋企之前有個傳統，就係農曆新年出門旅行 (當年主要是因為要遷就Mrs 193爸爸的假期)。 不過，我們三姐弟長大後，大家各有自己的 Scheudle，已經好多年冇一齊出門了!  今個新年，我們終於就到期，8大2小去澳門! 雖然只是2日1夜的short trip。但可以和摯愛家人歡度新春，真正此刻無價呀!

有了之前去澳門的經驗, 我們今次的新年之旅十分OK， 有家人的Support (婆婆湊米米去Poo Poo， 舅父成日幫手攞行李), 再加上米米最近開始肯跟爸爸瞓， Mrs 193直情覺得舒服過6個月那次Trip~~~

米米在羊年都有一個好開始, 就係學識自己企。 話說我 request 了BB床， 給米米晚上瞓, 我見隻豬仔都ok鍾意張床，所以第二朝起身都放她在入面玩吓。 Mrs 193開始只係想拍吓個傻豬在床仔碌來碌去個樣，點知個傻妹見到鏡頭好開心，扶住圍欄企起身!!! Mrs 193十分驚喜，大叫當時在廁所的Mr 193出嚟睇!

和家人去旅行真係好開心，我和米米的姨媽，舅父仲打算明年一齊衝出亞洲。。。哈哈，大家努力plan吓喇！

濕疹來襲

米米雖然有時候會扭計, 但touch wood冇大病痛要Mrs 193擔心。 不過最近米米的濕疹問題越來越嚴重, Mr and Mrs 193都變得緊張......

話說米米初生時皮膚也不算很好, 有輕微濕疹, 一般搽Physiogel A.I. Cream已經 ok. 醫生開的類固醇藥膏都只是看門口, 好少搽.  但係, 由12月開始米米的濕疹情況開始差. 一開始時用藥都好快好, 但漸漸情況不太受控. 到２月開始濕疹的範圍再擴大, 米米也覺得痕, 經常捽眼捽面捽耳仔, 耳背又抓損。 於是我們決定在14/2情人節帶米米再看一次皮膚科醫生。

如我們所料, 醫生都話米米的濕疹嚴重了, 要用勁D的藥膏, 每日只可以搽一次。 雖然不想米米經常搽類固醇, 但為了要控制病情, 也唯有聽話......

我和公司的同事講起米米的情況, 他們推介可以用香薰油作天然療法, 令我醒起幫米米接生的蔡醫生在我大肚的時候有調配香薰油給我去肚紋, 於是就問問她有沒有合米米用的香薰油. 蔡醫生好好人, 給了米米開一支Roman Chamomile的香薰油, 叫我們在不搽藥膏的時候幫米米搽。

我上網check了一下, Roman Chamomile (羅馬洋甘菊精油)可治療多種皮膚問題, 特別是皮膚敏感, 發紅或乾燥, 如濕疹, 因乾燥而脫皮, 發癢, 以及出現紅斑的皮膚, 可於純露, 化妝水, 植物油或乳霜中加入洋柑菊精油, 就可直接塗搽於患處。其實我除了大肚時有用香薰油，平日並沒有用香薰油的習慣，所以我也不敢肯定香薰油的功效。不過如果要選香薰油定類固醇，我就情願香薰油，at least是天然的東西，對米米冇咁多副作用。

Roman Chamomile

當然，我明白米米現在的情況，應該是用藥治療為先，香薰油保養為副。長遠而言，我希望米米可以戒掉類固醇，皮膚健康，白白滑滑。另一方面，媽媽會努力找出米米的致敏原，等米米不再辛苦痕痕呢！