五個月(1/10/2014 - 30/10/2014)

經過一輪又一輪的衝鋒陷陣, 我家米米五個月大了, 下個月就可以同人講米米半歲啦!

米米的生活作息在今個月比較穩定, 大致如下:

食: 5-6 安, 一日5餐.  食的時候好頑皮, 要大人non-stop唱歌, 否則又fing頭, 又拗腰, 食到一面都係..... 而且極慢, 一個鐘係最低消費, 有時要個半鐘至一個鐘九個字. 真係人都癲! 如果唔係怕隻豬仔越來越瘦, 真係想限佢時.......

媽媽: 我覺得手指好味過奶奶

 瞓: 晚上9:00 - 9:30 是米米入睡的時間, 通常是Mrs 193抱瞓. 所以米米在該時段特別痴身, 有時我不在家時她會大喊找我, 攪到Mrs 193去上個堂都不可以. 米米大約早上6點多起床, 有時眼瞓就7點後先清醒.  日間除了11點餐奶後會睡個多至兩個小時, 其餘都是Cat nap, 瞓45分鐘到一小時不等.

在床仔反身冇難度!

玩: 今個月的最大進步是學懂反身, 8/10米米的褓母姨姨send 了片給我看, 回家已經看到隻豬仔係咁反.  最好笑係連瞓覺都反, 不過個BB由於不懂返轉頭而要大叫求救. 月中開始就鍾意玩伸脷你, 好好笑. 鍾意Mrs 193幫佢Massage. 會好冧的笑. 



我愛伸脷

說話: 當然未識講嘢, 但聽到米米不停在發不同的音, 有時是ar ar ar, 有時是 ru ru ru, wah wah wah. 我喜歡跟著她講, 鼓勵她多嘗試.


閱讀: Mrs 193買了一些繪本給米米看, 但她暫時興趣不大, 還是咬布書比較好玩.......

和米米去參觀Playgound, 著得醒目D先

我係潮米!

換褓母姨姨

米米的現任褓母姨姨在十月底就完約, 在經過一輪掙扎後, 我們決定維持現狀多一段時間, 所以再努力找新姨姨。

雖然米米的Grannies都有說過願意幫我們照顧米米，但我和Mr 193都覺得這個責任對他們來說太重，也影響到他們的生活質素。而且我們覺得有多一對手照顧米米始終在時間上比較彈性。

在Mrs 193的努力下, 我們終於在十月下旬找到一個合適的姨姨. 我和姨姨在interview 的時候已經談到米米轉固體的安排，而姨姨也很樂意替米米每天準備新鮮食物。之前有些interview的姨姨會提議冷藏食材，我並不喜歡。姨姨來interview的時候米米正在扭緊計，但見到姨姨逗她玩都肯笑，希望她們真的是有縁啦！尤其米米已經開始懂得認人，如果佢唔肯跟姨姨都好頭痛。。。。

姨姨會在十一月初上工。 Mrs 193和婆婆會在姨姨上工初期多些陪米米，等姨姨有時間和米米混熟。希望米米和新姨姨合作一些，咁爸爸媽媽就可以安心返工啦!

媽媽最喜歡你笑到卡卡聲！！　

四個月 (31/8/2014 - 30/9/2014)

米米轉眼間又大一個月啦!

媽媽叫我扮子母奶....

  四個月大的她變得愛說話,  整天"EE Urr Urr"的, 很有趣.

Un固固..... 我好鍾意傾計

米米雖然未算正式懂認人, 但開始有Preference.  她扭眼瞓一定要我抱, 其他人抱會爆喊. 

我不哭時是快樂的怪獸~~~

不喜歡食奶奶, 食奶時經常奮力反抗, 我怕她是厭奶呢! 但除了奶奶, 什麼也愛放入口.  對四周的事物和聲音都很好奇, 開始會被電視吸引~~~ OMG~~~

紗巾, Yummy~~

我們第一次去數碼港行公園, 個傻妹剛瞓醒, 整了個Grumpy Face...

邊個阻住我瞓覺??!!!!

四個月4日去了打針, 兩針加輪狀口服液, 在診所表現堅強, 只是喊了1分鐘, 平日扭計重惡得多多聲.  在診所上磅, 有7.56kg, 97 percentile, 媽媽超收貨, 但又開始擔心她因奶量下降而下次冇咁好成績.....


打完針一臉疲倦, 好可憐啊!

活動能力方面, Head Control 好了些, 但由於頭仔重, 偶然仍是會"Fing頭"



抬起我低過的頭來~~

打針後有低燒, Mrs 193兩日來都勁抱, 等米米可以扭少一點, 多睡一點, Recover快一點.  下個月不用打針,  Mrs 193可以回回氣, 又可以預備一下米米轉固體的安排呢!